Faah Faahin: Dagaal Ka Dhacay Degmada Qansaxdheere Ee Baay

Dagaal

Dagaal u dhaxeeyay ciidamada maamulka K/galbeed iyo kuwa Xarakada Al-shabaab ayaa lagu soo waramayaa inuu ka dhacay degmada Qansaxdheere ee gobolka Baay, kaasi oo geystay khasaare kala duwan.

Dagaalkan ayaa bilowday kadib markii ciidamada K/galbeed ay weerar ku qaadeen deegaanno ku yaalla duleedka degmada Qansaxdheere, waxaana halkaasi ka dhacay dagaal xooggan.

Inta la xaqiijiyey waxaa dagaalkaasi ku dhintey Saddex qof, iyadoo dhaawaca uu intaasi ka badan yahay.

Dagaalkan waxaa la xaqiijiyey inuu ku dhintey taliyahii ciidamada K/galbeed ee degmada Qansaxdheere Cismaan Macallin Xasan, sida ay inoo sheegeen saraakiil ka tirsan maamulkaasi.

Xaaladda deegaannadii lagu dagaallamay saakay waa mid deggan, waxayna ciidanka K/galbeed kusoo laabteen degmada Qansax dheere.

Goobjoog News