Guddoomiyaha Baarlamaanka Somaliland Oo Maanta Is Casilaya

Maanta oo Arbaco ah waxaa lagu wadaa in xildhibaannada baarlamaanka Somaliland ay yeeshaan kulan aan caadi ahayn, waxaana xilka iska casili doona guddoomiyaha baarlamaankaasi C/raxmaan Maxamed C/laahi oo dhanka kale ah guddoomiyaha xisbiga wadani.

Cali Yuusuf oo ah guddoomiye ku xigeenka baarlamaanka Somaliland ayaa warbaahinta u sheegay in maanta uu is casilayo guddoomiye Cirro, taasina ay tahay soo jeedintiisa.

“Guddoomiyaha ayaa soo jeediyey inuu meesha ka tago, waxaana uu naga dalbaday waqtiga, waana u sheegnay Arbacada, xildhibaannadana waan isugu yeernay” ayuu yiri Cali Yuusuf.

C/raxmaan Ciiro ayaa ah musharrax madaxweyne ee xisbiga Wadani, waxaana wadaa dedaal badan oo uu ku doonayo inuu ku noqdo madaxweynaha Somaliland.

Somaliland ayaa u diyaar garoobeysa doorashooyinka baarlamaan iyo midda madaxweyne, waxaana socda ololaha ay wadaan xisbiyada maamulkaasi.

Goobjoog News