GoobJoog

Workshop ay soo qabanqaabiyeen ururka dhaqdhaqaaqa haweenka saxafiyiinta Soomaaliyeed  ee marka la soo gaabiyo loo yaqaano  WOJA ayaa maantay lagu qabtay hotelka barakaad ee magalada Neyrobi.

 
Workshopkan oo lagu baranayey doorka haweenka suxufiyiinta Soomaaliyeed ay ka qaadan karaan nabada ayaa wuxuu ahaa mid u dhacay sidii loogu talo galay ayadoo ay casharro ka bixinayeen macalimiinta kala ah C/qaadir Maxamed Cusmaan (C/qaadir Barnaamij ) iyo C/llaahi Maxamed Xasan (c/laahi black) sidoo kale C/qaadir maxed mursal  oo ahaa saxafi rugcadaa  ku ah warbaahinta isla markaana ah madaxa wargeyska IRIN ayaa si fiican u sharxay saxaafadii hore iyo tan maantay farqiga u dhaxeeyo iyo weliba aas aaskii ururkii dhalinyarada ee syl.
 
Workshopkan oo ahaa midkii ugu horeeyey oo ay  ku qabtaan magalada Neyrobi urur ay ku mideysan yihiin gabdho suxufiyiina ayaa waxaa loo qabtay 50 wariye oo isuga jira wiilal iyo gabdho kuwaasoo ahaa wariyaashii ka soo qaxay dalkooda hooyo dhibaato amaan dari awgeed  dhanka kale waxaa ka soo qeyb galay masuuliyiin sarsare dhinaca saxaafadda  oo ay ka mid ahaayeen   cali muse cale , yusuf xasan ,axmed ugaas cali  iyo ing.shaakir oo ka socdey novib iyo mas uuliyiin kale oo badan
 
Waxaa ugu horeyntii qudbad gaaban ku furtay agaasimaha xarunta talobixinta iyo shaqaaleeynta kalsan ing.ruqia  osman oo mahadcelin iyo amaanba u soo jeedisey ururka wooja oo si weyn isugu howlay sidii gabdhaha suxufiyiinta soomaaliyeed ay xiligaan adag ugu shaqeyn u sii wadan lahaayeen  mihnadooda shaqo iyagoo weliba aan joogin dalkoodii.
 
Sidoo kale waxaa qudbad gaaban oo ku saabsan ujeedooyinkii loo aasaasay ururkaan iyo howlaha uu ku jiro inuu qabto halkaas ka aqrisey xiriiriyahay ururka women journalists in action (woja) sahra maxud koronto sahra keyf oo sheegtay in ururku la aasaasay xili ay gabdhaha suxufiyiinta soomaaliyeed ay baahi aad weeyn u qabaan ineey ineey midoobaan isla markaana ay u baahan yihiin iney helaan shaqooyin  maadaama ay ka soo qaxeen wadankoodii iyo tababaro ay xirfadooda kor ugu sii qaadaan.
 
Sidoo kale waxaa ka hadlay Abuukar sheeq axmed albadri  oo la shaqeeya aljasiira ingilish iyo los angeles times wuxuu u mahadceliyey sida ay u dadaalayaan gabdhaha dhaqdhaqaaqa suxufiyiinta ee woja sheegayna  qiimaha gabdhaha suxufiyiinta ah ay  leeyihiin loona baahan yahay dadaalka ay wadaan iney sii laban laabaan.

 

Ugu danbeyntiina waxaa ka hadashey gudoomiyaha ururka woja fardowso sheq xasan kuriya oo sheegtay in uruka ay ku midoobeen 40 haween suxufiyiin soomaaliyeed oo kala jooga dalka gudihiisa iyo dibadiisaba waxaana  loo baahanyahay in ay midoobaan dhamaan  gabdhaha suxufiyiinta soomaaliyeed ayna wada shaqeeyaan ururkana xubnaha aan wali ka mid noqon ay u banaantahay ayna ka soo qeybgali karaan  ugu danbeyntiina waxeey u mahad celisey dhamaan ka soo qeybgalayaashii  iyo qabanqaabiyaashii workshopkan.
 
Gabagabdii workshopkan ayaa waxaa ka soo baxay baaq ay gabdhaha  dhaqdhaqaaqa suxufiyiinta u soo jeediyeen  dhamaan garabyada isku haya arimaha somalia baaqaas oo ka koobnaa shan qodob ayaa u qornaa sidatan 1)waxaan aad uga xunahay xasuuqii arxan darrada ahaa ee lagula kacay  hooyooyin soomaaliyeed oo ku hawlanaadib u soo celinta bilicdii caasimada soomaaliya ee muqdisho
2)waxaan aad uga xunahay xasuuqii loo geystey 50 shacab soomaaliyeed ah oo u badnaa haween danyar ah oo ka ganacsanayeye qudaarta
3)waxaan canbaareeyneeynaa falkasta oo lagu beegsanayo dadka soomaaliyeed gaar ahaan haweenka danyarta ah suxufiyiinta iyo shaqaalaha gargaarka.
4)waxaanu taageersanahay geedi socodka nabadda iyo dib u hishiisiinta soomaaliyeed  gaar ahaan midka ka socda dalka jabuuti.
waxaan ku boorineeynaa dhamaan kooxaha siyaasadda soomaaliyeed gaar ahaan dowlada iyo mucaaradka in ay xaqdhowraan shacabka masaakiinta ah ee gacantooda ku baabaaya  hana ogaadaanin lagu xisaabtamayo xadgudub kasta
workshopkan ayaa wuxuu  ku soo gabagaboobey guud ahaan  sidii loou talo galay
 
Ayaan Axmed Maxed Neyrobi Kenya