GoobJoog

Weerarkani oo dhacay saqdii dhexe ee xalay socdayna illaa saakay (5:00am) ayaa waxaa la isku adeegsaday Hubka Noocyadiisa kala duwan, waxaana dagaalkaasi xalay uu ahaa sida muuqatay weerar aad u culus oo qorsheysnaa.

Guriga oo uu deganaa Cali Yare oo ah Taliye kuxigeenka Booliska kuna yaalla degmada Dharkinleey ayaan Illaa iyo hadda la ogeyn khasaaraha soo kala gaaray labadii dhinac ee dagaalamay lakin dadka kudhaqan degmadaasi ayaa sheegaya In halkaasi saakay ay ku arkayeen qaar kamid ah maleeshiyada TFG-da oo meydadkooda halkaasi yaalla.

Sidoo kale waxa Taliyaha oo xilligaasi hoygiisa kusugnaa ayaa lagu soo waramayaa in aanu wax dhibaato ah soo gaarin marka laga reebo maleeshiyooyinkani laga dilay.

Dadka deegaanka ayaa waxaa lasoo gudboonaatay cabsi xoogan oo ku aadan weerarkasi xalay iyaga oo ka cabsi qaba in hawlgallada saakay halkaasi laga sameeynayo lagu uruuriyo wiilashooda maadaama TFG-da ay caado u noqotay in xilliyadani oo kale ay dadka xitta waddooyinka ka uruuriyaan.

Ma ahan markii ugu horeysay oo weerar lagu qaado Hoyga Cali Yare waana markii labaad oo weerar lagu qaado guriga uu ka degan yahay Degmada Dharkinleey Taliye kuxigeenka Booliska oo horey weerar ay ugu qaadeen Xoogaga kasoo horjeeda Siyaasadda dowladda TFG-da iyo Ciidamada Itoobiyaanka xilligaasi oo ay dab qabadsiiyeen hoygiisa degmada Dharkinleey ee Gobolka Banaadir.