GoobJoog

Dowladda Itoobiya ayaa markii ugu horeysay qiratay in duulaankii ay kusoo qaaday Soomaaliya ay ku hanti beeshay isla markaana ku ciidan waysay.

Hadaba Ra’iisal wasaaraha Dalka Itoobiya Meles Zenawi oo wareysi siiyay Wargeyska lagu magacaabo Financial Times ee kasoo baxa Dalka Britain ayyuu shaaca kaga qaaday arrintaasi isago sheegay in  dalkiisa uu isku diyaarinayo sidii ay Ciidamadooda ugala soo bixi lahaayeen wadanka Soomaaliya xittaa kahor inta aysan xaqiijin Ammaanka iyo deganaanshiyaha Dalka Soomaaliya sida uu hadalka u dhigay.

Wareysiga waxa uu sidoo kale kusheegay in xilligani aysan sii wada Karin dowladda Itoobiya dhaqaalaha ay kubixisay Soomaaliya dhinaca dagaalka iyo dhanka Ciidamada oo illaa iyo iminka ay weli sii socoto.

Waxaa si cad u sheegay in Dowladda Itoobiya taageerada ay siineyso Dowladda TFG-da aysan aheyn mid waligeeda sii soconeysa oo keliya ay dhinaca siyaasadda ka teegeeri doonto hadda kadib dowladda TFG, wuxuu sidoo kale sheegay in dhibaatooyin kale ay uga fur furan yihiin gudaha wadankiisa oo aysan kudhinac wadi Karin dagaalada Soomaaliya.

Hadalkani kasoo baxay Ra’iisal wasaaraha Dalka Itoobiya Meles Zenawi xilli ay ku kordheen dagaalada ay kala horyimaadeen Xoogaga kasoo horjeeda kaasi oo ku qabsaday Itoobiyaanka Gobolo fara badan oo kamid ah Dalka Soomaaliya.

 TrackBack URI for this entry

Comments (0)