GoobJoog

Dagaal xoogan ayaa barqanimadii maanta waxa uu ka dhacay Xaafadaha Ceymiska iyo sidoo kale Warshaddii hore ee Baastada halkaasi oo ay ku dagaalameen Ciidamada dowlada Federaalka iyo kuwa Itoobiya ee halkaasi kusugan.

Afhayeenka Maxkamadaha Dhinaca hawlgallada C/raxiim Ciise Caddow ayaa u sheegay Warbaahinta in dagaalka halkaasi ay iyagu ka dambeyeen isla markaasina ay halkaasi uga dileen Ciidamadii ay kula dagaalameen illaa 6-ruux oo isugu jira Ciidamada Itoobiya kuwa kuwa Dowladda Federaalka Soomaaliya sida uu sheegtay Afhayeenka.

Dhinaca kale qarax xoogan ayaa galabta waxa uu ka dhacay wadada Israac Degmada X/jajab ee Magaalada Muqdisho kaasi oo lasheegay in uu ahaa Bamka gacanta laga tuuro, waxaana lagu tuuray maleeshiyo katirsan Dowladda TFG-da oo halkaasi kusugnaa.

Qaraxani ayaa kusoo beegmaya xilli baaritaannada xoogan ay soconayaan iyo waliba iyadoo ay sii korortay bartilmaameedka maalmahani lagu hayo maleeshiyada TFG-da.