6 Xildhibaan oo Dhaariyay Aqalka Hoose ee Baarlamaanka Federaalka Soomaaliya

Kulan wadajir ah oo ay maanta yeesheen Labada Aqal ee Baaralmaanka Federaalka Soomaaliya ayaa lagu dhaariyay Lix xildhibaan oo si rasmi ah uga mid noqday aqalka hoose ee baarlamaanka federaalka Soomaaliya.

Kulankan oo ahaa kalafadhiga 1-aad Kulankiisa 4-aad ee wadajirka labada Aqal ee Baarlamaanka ayaa ajanduhu ahaa Labo qodob oo kala ah; dhaarinta xildhibaanno cusub iyo Hadal jeedinta musharraxiinta Madaxweynaha JFS.

Xildhibaannada la dhaariyay ayaa kala ah:

1. Zakariye Xuseen Caateeye.
2. Abdirahmaan Mohamud Caateeye.
3. Mohamed Ali Xagaa.
4. Seynab Mohamed Caamir.
5. Guuleed Ceydaruus Cige.
6. Maxamed Abdullahi Kaamil.

Si kastaba, Kulankii maanta ayaa waxaa hadal jeedin ka sameeyay 7 musharrax oo ka mid ah 24 musharrax ee u tartameysa xilka Madaxweynaha Soomaaliya.

Goobjoog News