U bood dhigaalka

Galmudug oo Ansixisay Miisaaniyad Ka Badan 17 Milyan oo Dollar

Sheeko:Baarlamaanka

Baarlamaanka dowlad gobaleeda Galmudug ayaa maanta magaalada Dhuusamareeb ku yeeshay kulan u jeedkiisu ahaa ka doodista iyo meel marinta miisaaniyadda dowlad goobaleedka 2020 oo horay ay u soo gudbisay wasaaradda Maaliyadda.

Xildhibaanada oo dood dheer geliyey ka doodista miisaaniyadda ay soo gudbisay wasaaradda maaliyadda Xildhibaannada ayaa ugu dambeyn isku raacay ansixinta maasaaniyad-sanadeedka oo gaareysa 17,230,054.00 ( todobo iyo toban malyan, laba boqol iyo soddan kun, iyo konton iyo afar doolar).

Guddoomiyaha baarlamaanka dowlad gobaleedka Galmudug Dr. Maxamed Cali Gacal ayaa sheegay inay Xildhibaanada ay u codeeyeen maasaaniyadda lasoo gudbiyey isla markaasna ay hadda wixii ka dambeeyo tahay mid ansax ah.

Miisaaniyaddii dowlad gobaleedka Galmudug ee sanadkii 2018 ayaa waxay aheyd 8 Malyan, waxayna sare u kacday sanadkaan 2020-ka 50% taas oo ka  dhiganin laba jibaar ay tahay misaaniyaddii sanadkii  hore marka la fiiriyo Miisaaniyadda aysoo gudbisay wasaaradda maaliyadda dowlad gobaleedka Galmudug.

Goobjoog News