Boosaaso: Labo Qof Oo Ku Dhimatay Rasaas Ay Fureen Ciidamada Puntland

Wararka ka imaanaya magaalada Boosaaso ee xarunta gobolka Bari ayaa waxay sheegayaan in Labo qof ay ku dhimatay magaaladaasi, kadi rasaas ay askar ka tirsan ciidanka Puntland ku fureen dad dibadbaxayaal ah.

Wararka waxay sheegayaan in ciidamadan ay isku dayeen in ay boqolaal qof ku kala eryaan rasaas, hase ahaatee rasaas ay ciidanka si hoose ugu tuureen dadkii dibadbaxayey ayaa la xaqiijiyey in dadkaan ay ku dhinteen.

Xaaladda guud ee Boosaaso ayaa weli ah mid kacsan, iyadoo ay xiran yihiin dhammaan xarumaha ganacsi ee magaaladaasi.

Shacabka dhigaya dibabaxa ayaa dalbanaya in dib loo fasaxo howlihii shaqo ee dekadda Boosaaso oo maalmahan aanay wax badeeco ah kasoo deign.

Maamulka magaalada Boosaaso, kan gobolka Bari iyo saraakiisha ammaanka kama aanay hadlin xaaladdan ka jirta magaaladaasi.

Warkaan wixii kusoo kordha kala soco wararkeena kale

Goobjoog News