U bood dhigaalka

Dhageysiga Khudbadaha Musharraxiinta Hirshabelle Oo Maanta Bilaabaneysa

Sheeko:Dalka

Maanta oo Axad ah ayaa lagu wadaa in magaalada Jowhar ee xarunta gobolka Shabellaha Dhexe ka bilaabato dhageysiga khudbadaha musharraxiinta u taagan xilka madaxweyne ee maamulka Hirshabelle.

Waxaa is diiwaangeliyey sida guddiga uu sheegay illaa iyo 7 musharrax, waxaana ku jira siyaasiyiin caan ah.

Xildhibaannada waxay maanta bilaabayaan iney dhageystaan Khudabadaha si ay u kala qiimeeyaan shaqsiga ay u dooran lahaayeen madaxweyne.

Qorshaha doorashada ayaa ahaa 12-ka bishan, hase ahaatee warar laga helay guddiga waxay sheegeen iney 16-ka bishan ka dhigeen.

Ammanka guud ee magaalada Jowhar aad ayaa loo adkeeyay, iyadoo laga dareemayo magaaladaasi u diyar garowga doorashooyinka.

Goobjoog News