Dowladda Madaxwayne Xasan Sheekh oo labo sano jirsatay

Xasan Sheekh waa Madaxweynihii 8-aad ee Soomaaliya, Baarlamaanka Soomaaliya ayaa Madaxweyne u doortay 10-kii September 2012-kii kadib markii uu helay 190 cod halka uu murashaxii iyo Madaxweynihii xilligaas ee Shariif helay 79 cod.

Waxaa uu ku dhashay magaalada Jalalaqsi ee gobolka Hiiraan bartamaha Soomaaliya sanadkii 1955.

Waxa uu ka baxay Jaamacada Umada Soomaaliyeed sanadka markuu ahaa 1981 ,Kadiba-na Jaamacadda Bhopal University.

Hey’ada Qaramada Midoobay u qaabilsan Caruurta ee UNICEF ayuu la shaqeyn jiray ilaa ay ka baxeen ciidamadi nabad ilaalinta UN-ka sanadkii 1995-kii, waxaana uu Unicef u ahaa sarkaal dhinaca waxbarashada koonfurta iyo bartamaha Soomaaliya.

Afar sano kadib waxaa uu madax ka noqday Machadka Somali Institute of Management and Administration Development (SIMAD), kaas oo hadda noqday Jaamacadda SIMAD.

Sanadkii 2011, waxa uu aas aasay Xisbiga Peace and Development Party (PDP) , Ugu danbeyntii Xasan Sheekh waa madaxweynihii ugu horeeyey ee Soomaaliya oo lagu doorto gudaha Soomaaliya 42 sano kadib, waxaa kale oo uu noqonayaa madaxweynihii ugu horeeyey oo aanan kumeel gaar aheyn tan iyo markii ay dhacday dowladii hore ee Soomaaliya ee uu hogaamin jiray ALLAHA u naxariistee Maxamed Siyaad Barre sanadkii 199-kii.

Maalintii Doorashada:

Weeraggii ugu dambeeyay ayuu si aqlabiyad leh ugu guuleystay madaxweynenimada Soomaaliya Shiikh Shariif Shiikh Axmed.

Xasan Shiikh Maxamuud ayaa waxaa ay doorashada isugu soo hareen Shariif Shiikh Axmed kadib markii ay wareegii labaad ee doorashada ka tanaasuleen Ra’iisal Wasaarihii hore ee Soomaaliya C/weli Maxamed Cali iyo C/qaadir Cosoble Cali oo wareeggii labaad u soo gudbay.

Markii ay codbixinta soo gebagebowday ayaa waxaa natiijada ku dhawaaqay gudoomiyaha Baarlamaanka Soomaaliya Prof. Maxamed Sheekh Cismaan Jawaari oo ku dhawaaqay natiijada doorashada, wuxuuna guud maray sida doorashada u dhacday.

Wareeggii ugu dambeeyay ayay labada musharrax kala heleen:

Xasan Shiikh Maxamuud                                          Shariif Shiikh Axmed

190 cod                                                                           79 cod

Doorashadan ayaa ahayd tii ugu horeysay oo gudaha dalka Soomaaliya ka dhacda, isla markaana lagu soo doorto madaxweyne Soomaaliyeed, iyada oo horayna gudaha Soomaaliya loogu doortay guddoonka Baarlamaanka Soomaaliya.

Natiijada cod bixinta kadib, madaxweynihii hore ee Soomaaliya Shariif Shiikh Axmed oo hadal kooban jeediyay ayaa sheegay in uu ku faraxsan yahay in 42 sano kadib ay doorasho xaq ah ka dhacday dalka Soomaaliya, lana soo doortay dowlad aan KMG ahayn, wuxuuna u mahad celiyay guddoonka baarlamaanka Soomaaliya, isagoo cadeeyay in doorashada looga adkaadaa ay u dhacday si xor ah oo xaq ah, uuna u hogaansamayo.

Ugu dambeyntiina, Guddoomiyaha Baarlamaanka Soomaaliya Prof. Maxamed Cusmaan Jawaari ayaa ku dhawaaqay in caleemo-saarka madaxweynaha dib laga soo sheegi doono.

Lixda Tiir ee barnaamijkiisa siyaasadeed

1- Xasilinta dalka

2- Sarraynta sharciga & Dowlad wanaag

2- Soo noolaynta dhaqaalaha dalka

3- Nabadaynta & dib u heshiisiinta

4- Soo noolaynta adeegyada Bulshada

5- Caafimaadka,Tacliinta,Ilaalinta Deegaanka,Fayo dhowrka guud ee bulshada

5- Midnimada & Wada jirka ummadda Soomaaliyeed

6- Ilaalinta & abuurista xiriirrada caalamiga ah ee ku salaysan iskaashi & wadajir.

Hiigsiga Cusub “New Deal”

Ujeedada barnaamijka Hiigsiga ayaa aheyd in la helo talo midaysan oo lagu dhisayo dalka. Hiigsiga Cusub waxaa horey u adeegsaday dalal badan, innaguna taasi baan daba taaganahay waxaan rajaynayaa in aan dhibaatada kaga baxno ” sidaasi ayuu yiri Wasiir Abuukar.

Barnaamijka Hiigsiga Cusub oo ah aragti qaran oo midaysan, ayaa xoogga saaraya dhinacyada ay ka mid yihiin siyaasadda, nabad gelyada, caddaaladda, dhaqaalaha, ururinta canshuuraha iyo adeegga bulshada.

Xubno ka socday ururada bulshada rayidka ah oo ka hadlay furitaanka shirkan wada tashiga ah ayaa soo dhoweeyey barnaamijka Hiigsiga Cusub, waxaana ay tilmaameen in barnaamijkan uu wax badan ka tarayo marxaladda uu marayo dalka Soomaaliya.

Dowladda Soomaaliya ayaa barnaamijka Hiigsiga Cusub diyaarinaysay in mudo ah si qorshe midaysan oo ay bulshadu ku leedahay talooyin loo geeyo shirka 16-ka September ka dhacaya magaalada Brussels ee dalka Belgium-ka.

Barnaamijka Hiigsiga Cusub ayaa ah in dalalka nugul ee dagaalada ka soo baxaya la siiyo dhaqaale toos ah, waxaana Dowladda Soomaaliya yeelanaysaa soo jeedinta qorshaha lagu taageerayo iyo fulintiisa.

Hiigsiga cusub ayaa markii ugu horaysay lagu go’aamiyey shir lagu qabtay magaalada Busan ee dalka Koonfur Kuuriya dhamaadkii 2011-kii, waxaana ujeedadu ahayd in kor loo qaado wax tarka kaalmada la siiyo dalalka nugul.

W/D: Xafiiska dabagalka Goobjoog FM