Faysal Cali Waraabe “Soomaaliya Waxay Ka Degi La Dahay Waa Puntland”
Guddoomiyaha xisbiga UCID ee Somaliland, Faysal Cali Waraabe ayaa sheegay in Soomaaliya waxay ka degi la dahay tahay maamulka Puntland, waa sida uu hadalka u dhigaye.
Faysal oo maanta hadal ka jeedinayey fagaare ku yaalla magaalada Hargeysa ayaa sheegay in Puntland ay qasto siyaasadda Soomaaliya, haddii aanay iyada ahaan lahaynna ay Soomaalida nabad ahaan lahaayeen.
“Walaalayaal Soomaaliya waxay la degi la dahay waa Puntland, qoladan oo aanu jaarnahay wuxuu baarlamaankooda shalay yiri doorasho kama dhici doonto Sool iyo Sanaag, bal eegga walaalayaal dhibaatada ay wadaan, waxaa ka degi la Soomaaliya, waxay maalin walbo ka shaqeeyaan dhibta Soomaaliya” ayuu yiri Waraabe.
Dhanka kale, Faysal Cali Waraabe ayaa sheegay in haddii xisbigiisa uu ku guuleysto doorashada 13-ka bishan in uu keeni doono gooni isku taagga Somaliland waa sida uu hadalka u dhigaye.
Baarlamaanka maamulka Puntland ayaa shalay isku raacay in doorasho aanay ka dhici gobollada muranka uu ka jiro ee Sool iyo Sanaag.
Goobjoog News