Ganacsade Lagu Dilay Magaalada B/weyne Ee Gobolka Hiiraan

Rag hubeysan ayaa habeenkii xalay ahaa waxa ay magaalada Baladweyne ee xarunta gobolka Hiiraan ku dileen nin ganacsade ah, iyaga oo sidoo kale dhaawacay wiil uu dhalay ganacsadahaasi.

Wararka ayaa sheegaya in ragga hubeysan ay rasaas ku fureen ganacsadahan magaciisa lagu soo koobay Daahir iyo wiilkiisa oo ku sugnaa xaafadda Kooshin, islamarkaana markii ay weerarka geysteen kadib goobta ka baxsaday.

Ciidamada ammaanka oo dilka kadib gaaray halkaasi ayaa billaabay baaritaanno ay ku dabagalayeen dadka dilkaasi ka dambeeyay.

Wararka qaar waxay sheegayaan in dableya wax dishay ay ku hubeysnaayeen Bistoolado.

Maamulka Magaalada B/weyne weli kama aanu hadal arrintan, balse dilalka sidan oo kale ah ayaa kusoo noqnoqday magaaladaasi.

Warkaan wixii kusoo kordha kala soco wararkeena kale

Goobjoog News