Madaxweynaha Jubbaland Oo Gaaray Dhuusamareeb+Sawirro
Sheeko:Amniga
![](https://goobjoog.com/content/uploads/2020/07/madoobe.jpg)
Madaxweynaha dowlad goboleedka Jubbaland Axmed Maxamed Islaam Madoobe ayaa goordhow gaaray magaalada Dhuusamareeb ee caasimadda dowlad goboleedka Galmudug, iyadoo siweyn loogu dhoweeyey.
Madaxweynaha iyo wafdigiisa ayaa waxaa garoonka diraayadaha ku soo dhoweeyey madaxweynaha martida loo yahay ee Axmed Cabdi Kaariye Qoorqoor, waxaana uu ka qeyb gelidoonaa shirka madxda maamul goboleedyada.
Madaxweyne Madoobe ayaa ah madaxweynihii ugu dambeeyey ee lag sugaayey waxaana uu ku biirayaa madaxda Koorfur Galbeed iyo Hirshabeelle iyo Puntland oo horay u soo gaaray magaalada caasimada ah Galmudug.
Magaalada Dhuusamareeb ayaa waxaa ay marti gelinaysaa shirka madaxda maamul goboleedyada oo lagu wado inuu ka furmo magaalada saacada soo aadan waxaana shirka looga hadli doonaa arrimo badan oo xaaladaha dalka ah, waxaana shirka sidoo kale ka qeyb galayo mudanayaal ka tirsan labada gole ee baarlamanaka federaalka.
![](https://scontent.fmgq1-1.fna.fbcdn.net/v/t1.0-9/107696391_2311012385860370_398366330027234196_n.jpg?_nc_cat=110&_nc_sid=110474&_nc_ohc=bP_Hsf7uhfkAX8tUE2U&_nc_ht=scontent.fmgq1-1.fna&oh=3264651be7cf607daf6f72ba6f561f2b&oe=5F2D6B67)
Goobjoog News