SAWIRRO: In Ka Badan 20 Qof Oo Ku Geeriyootey Qaraxii Ka Dhacay Muqdisho
Qarax aad u xooggan ayaa saakay ka dhacay nawaaxiga dekadda weyn ee magaalada Muqdisho, kaasi oo sababay khasaare isugu jira dhimasho iyo dhaawac.
Gaari laga soo buuxiyey walxaha qarxa qarxa ayaa lagu qarxiyey goob barxad ah oo kasoo horjeedda dekadda Muqdisho, halkaasi oo ahayd meel ay ka cunteeyaan muruq maalka dekadda Muqdisho.
Inta la xaqiijiyey 22 ruux oo u badan muruqmaalkii dekadda Muqdisho iyo haween halkaasi raashiin ku iibinayey ayaa goobtaasi ku dhintay iyadoo dhaawaca uu intaasi ka badan yahay.
Dadka dhintey waxaa sidoo kale ku jirey darwallo gaadiid oo doonayey dekadda iney galaan iyo sidoo kale shacab meesha marayey.
Khasaaraha ayaa intaan ka badan karo maadaama dad badan oo dhaawacyo halis ah qaba loola cararay isbitaallada ku yaalla magaalada Muqdisho.
Al-shabaab ayaa baraha ay ku leeyihiin Internetka waxay ku sheegeen iney iyagu ka dambeeyeen qaraxaasi, ayana bartilmaameedsadeen askar ka tirsan dowladda Federaalka.
Hoos ka daawo sawirada iyo khasaaraha soo gaarey shacabka
Goobjoog News