Wasiiru Dowlaha Nabadeynta Somaliland oo Ka Hadlay Wadahadalada Khaatumo
Wasiiru-dawlaha nabadaynta u qaabilsan Somaliland deegaanada Sool iyo Sanaag Cabdirashiid Xuseen Cabdulle ayaa rajo nabadeed ku tilmaama shir dhawaan dad ka soo jeeda deegaanadaas iyo xukuumadda Somaliland uga furmaaya magaalada Burco .
Shirkaasi oo maalmaha ciidda ka dib la iskugu imanayaao ayaa waxay xukuumadda Somaliland iyo bulshada kale ka wada hadli doonaan sidii loogu qancin lahaa saamiga ay beelaha deegaanada Sool iyo Sanaag degani ku leeyihiin xilalka dawladda oo ay in badan saluugsanaayeen.
Wasiiru-dawlahan ayaa warbaahinta u sheegay inay tani noqonayso mid soo dhaweysa cabashada deegaanada uu wasiirka u yahy, “ Madaxweynaha ayaa runtii arrin wacan ka sameeyey oo ballan qaday arrintan waxayna ahayd taariikhi waxaanan u arkaa guul anigu in shirkaasi Burco ka qabsoomay” ayuu yiri Cabdirashiid Xuseen Cabdulle oo Hargeysa kula hadlaayey warbaahinta.
Xukuumadda Somaliland oo dedaal ugu jirta sidii ay siyaasadeeda ugu qancin lahaayeen ayaa ugu yaraan Afar shir u qabatay saddex bilood gudahood dad wax garad iyo siyaasiyiin iskugu jira oo ka soo jeeda Sool iyo Sanaag, sidoo kale xukuuamdda wasiirro ka tirsani ay shir kula yeesheen magaalada Caynaba xubno ka tirsan maamulka Khaatumo kaasi oo isna wali la sugaayo miro dhalkiisa.
Madaxweyne Siilaanyo oo dhawaan safar ku tagay deegaanka Sool ayaa khudbad uu ka jeediyey magaalad Adhi-cadeeye oo dhinaca Burco ka soo xigta Laascaanood waxa uu u sheegay dadkii uu la hadlaayey in mudada xilkiisa ka harsan uu doonayo dadka reer Sool oo ku qanacsan siyaasadda xukuumadda uu hogaaminayo inuu ka dago xilka.
Goobjoog News