Xildhibaannada Labada Aqal Oo Maanta Lagu Wado In Lagu Dhaariyo Muqdisho
Maanta oo Talaado ah ayaa lagu wadaa in magaalada Muqdisho ay ka dhacdo munaasabadda dhaarinta xildhibaannada Labada aqal, kuwaasi oo dhowaan lasoo doortey.
25-kii bishan, qoraal kasoo baxay madasha hoggaanka qaran waxaa lagu go’aamiyey in 27-ka bishan oo ku beegan maanta oo Talaado ah iney dhacayso dhaarinta xildhibaananda Labada aqal.
Wadarta guud ee xildhibaannada Labada aqal waa 347, balse waxaa la doortey 304 mudane oo 11-kamid ah lalaalay in kastoo aan la ogeyn inta lasoo fasixi doono ee maanta dhaarta ka qeygali doona.
Maamullada iyo Sida ay Xildhibaannada la doortey uga kala yimaadeen:
Magaca Maamul | Aqal Hoose | Aqal Sare | Wadarta |
Puntland | 37 | 11 | 48 |
K/galbeed | 69 | 8 | 77 |
Somaliland | La Doortey 34 | Lama dooran | 34 |
Jubbaland | 43 | 8 | 51 |
Hirshabelle | 37 | 8 | 45 |
Banaadir | 5 | 0 | 5 |
Galmudug | 36 | 8 | 44 |
Hadaba maanta ayaa la sugayaa in la dhaariyo xildhibaannada la doortey, iyadoo dhanka kale guddiga doorashada laga sugayo iney soo dhameystiraan doorashada xildhibaannada kale ee weli harsan.
Goobjoog News