U bood dhigaalka

Xuseen Sheekh: Al-shabaab Fursad Ayaa Ugu Jirta Qabsashada Dowladda Ee Matabaan iyo Guriceel

Sheeko:Amniga

Dowladda Soomaaliya ayaa 24-kii saac ee ugu dambeeyey waxaa ay Ahlu sunna ka qabsatay degmooyinka Matabaan(Hiiraan) iyo Guriceel(Galgaduud), arrintan oo khasaare nafeed ay ka dhalatay.

Maxaa ka dhalan kara? Su’aashaasi waxaa ay  Goobjoog News hordhigtay Guddoomiyaha machadka Hiraal Xussein Sheikh Cali isaga oo sheegay in talaabbadan dowladda ay dhaawac  u geysan doonto hannaanka dhismaha maamulka dowlad goboleedka Galmudug.

“ Maamulka dhismaya ee Galmudug ma noqon doono mid ay ku wada jiraan saamileyda oo dhan, mana heli-doono sharciyad haddii aan Ahlu-sunna qeyb ka noqon” ayuu intaasi raaciyey.

Waxaa kale oo uu  qabaa guddoomiye Xuseen in Al-shabaab ay naf ku soo laaban-doonto, oo khatar iman doonto, isaga oo ka hadlayana waxaa uu yiri “Ahlu sunna waa kooxda keliya ee iska dhicisay kooxda Al-shabaab, la’aantood waxaa ay Al-shabaab gaari lahaayeen ilaa waqooyoga sida Berbera iyo Hargeisa” isaga oo ku dooday in Al-shabaab heli-doonaan fursad aaney abidkood ku riyoon, wax badanna iska badli-doonaan qorshihii ladagaalanka argixisada.

Ugu dambeyntii, guddoomiyaha Hiraal Xuseen Sheekh Cali waxaa uu Goobjoog News u sheegay in ujeedka dowladda ka leedahay qabashada magaalooyinkan Ahlu-sunna uu yahay uun ama mid ku kooban yahay qorshe aad dhow oo la xiriira doorashada halkaasi ka dhaceysa, oo marka ay soo laabtaan ciidamada halkaasi loo daabulay, istaagtana lacagta la xiriirta doorashadaasi ay kooxda Ahlu-sunna heli-doonto waxa rabto, dib u soo laaban-doonto awoodeeda.

Goobjoog News