Guddiga Difaaca baarlamaanka Soomaaliya ayaa maanta magaalada Muqdisho kulan su’aalo weydiin ah kula qaatay Danjiraha Midowga Afriga ee Soomalaiya ahna madaxa howlgalka AMISOM Maman Sidikou, taliyaha ciidamada AMISOM Jeneral Jenathan Ronu, ku xigeenkiisa iyo saraakiil.
Xuseen Carab Ciise oo ah gudoomiyaha guddiga difaaca ee Baarlamaanka ayaa kulankaan shir gudoominayay, waxaana xubnaha ay la kulmeen ay wax ka weydiiyeen dhacdooyinkii ugu dambeeyay oo ciidamo ka mid ah AMISOM ay ka geysteen deegaanno ka mid ah gobalada Shabellaha Hoose, Hiiraan iyo Bakool.
Sidoo kale xubnahaan ka midka ah AMISOM ayaa wax laga weydiiyay halka uu marayo howlgalka ka dhanka ah Xarakada Al-shabaab ee sida wadajirka ah u wadaan ciidamada dowladda iyo kuwa AMISOM.
From the comments