War

Dowladda Federaalka Soomaaliya ayaa maanta magaalada Muqdisho ku qabatay kulan wadatashi iyo xog-wareysi ah oo ay yeesheen Guddiyaasha Wadahallada ee Dowladda Federaalka Soomaaliya, Golaha Mustaqbalka Soomaaliyeed iyo guddiyo matalayey qeybaha kala duwan ee bulshada.

Mareykanka ayaa ansixiyay in Sacuudiga laga iibiyo hub casri ah oo lagu qiimeeyay $9 bilyan oo dollar, kaas oo ay ku jiraan 730 gantaal oo ka mid ah nidaamka difaaca hawada Patriot iyo qalab dhameystiran oo la xiriira difaaca hawada.

Intii uu socday Shirka Wasiiradda Carabta iyo Hindiya, Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaam Cabdi Cali, ayaa kulan diblomaasiyadeed la yeeshay Wasiir Ku-xigeenka Arrimaha Dibadda iyo Qurbojoogta ee Jamhuuriyadda Yemen, Ambassador Mustafa Axmed Naaman.

Dawladda Koonfur Afrika, iyadoo maraysa Waaxda Xiriirka Caalamiga ah iyo Iskaashiga, waxay si rasmi ah dalkeeda uga eriday Ariel Seidman oo ahaa madaxii kumeelgaarka ahaa ee Safaaradda Israa’iil, ka dib markii lagu dhawaaqay inuu yahay qof aan laga rabin dalkaas.

Wasiirka Arrimaha Dibedda iyo Iskaashiga Caalamiga ah ee Jamhuuriyadda Federaalka ah ee Soomaaliya, Mudane Cabdisalaan Cali, ayaa maanta gaaray magaalada New Delhi ee caasimadda Jamhuuriyadda Hindiya, halkaas oo uu uga…

Golaha Wasiirrada Dowladda Federaalka Soomaaliya ayaa goordhoweyd xilka ka qaaday Taliyihii Ciidanka Xoogga Dalka Soomaaliyeed, Gen. Odowaa Yuusuf Raage, sida lagu caddeeyay go’aan rasmi ah oo ka soo baxay dowladda.

​Dawladda Maraykanka ayaa si rasmi ah u shaacisay inay dib-u-bilaabayso qeybinta gargaarka cuntada ee ay u soo mariso barnaamijka WFP ee gudaha Soomaaliya, ka dib markii ay garwaaqsatay tallaabooyinka ay Dawladda Federaalka ah ee Soomaaliya iska saartay mas’uuliyadda wixii caqabado ahaa ee saameeyay hawlgalladaas.

Muqdisho — Wasiirka Dekedaha iyo Gaadiidka Badda ee Dawladda Federaalka ah ee Soomaaliya, Mudane Cabdulqaadir Maxamed Nuur, ayaa maanta magaalada Muqdisho si rasmi ah ugu soo dhoweeyay Mudane Durmuş Ünüvar, Wasiir-ku-xigeenka Gaadiidka iyo Kaabayaasha Dhaqaalaha ee Jamhuuriyadda walaalaha ah ee Türkiye, iyo wafdi heer sare ah oo uu hoggaaminayo.

Maanta oo ay taariikhdu ku beegan tahay 28ka Janaayo 2025, waxaa Hotelka Jazeera ee magaalada Muqdisho ka furmay kulankii ugu horreeyay ee Guddiyada Farsamada ee u xilsaaran gogolxaarka wadahadallada u dhexeeya Dawldda Federaalka ah iyo Golaha Mustaqbalka. Kulankan xasaasiga ah ayaa diiradda lagu saarayaa dejinta ajandayaasha, habraaca, iyo hannaanka rasmiga ah ee loo wajahayo wadaxaajoodyada, iyadoo labada dhinac ay soo magacaabeen xubno khubaro ah oo ka shaqaynaya sidii meesha looga saari lahaa caqabadaha hordhaca ah, ka hor inta aan la guda gelin wajiga rasmiga ah ee wadahadalka.

Booliska magaalada Minneapolis ayaa xaqiijiyay aqoonsiga ninka loo haysto weerarkii Talaadadii lagu qaaday Xildhibaanadda Golaha Congress-ka Maraykanka ee Ilhan Cumar, kaddib markii dareere ur xun lagu buufiyay xilli ay ka qayb-galaysay kulan dadweyne.