Xisbiyada Somaliland Oo Heshiis Ka Gaaray Saami Qeybsiga Kuraasta Baarlamaanka

Saddexda xisbi ee Waddani ,  Kulmiye iyo Ucid ayaa kulan ay ku yeesheen magaalada Hargeysa  waxay ku heshiiyeen in saamiga beel kasta ee Somaliland degta ay ka helayso kuraasta golaha wakiilada  uu ahaado xeerkii lagu galay doorashadii hore ee  2005.

Soo jeedintan ayaa u baahan in lagu qanciyo Madaxweyne Siilaanyo oo isagu doonaya in wax loo qeybsado qaab gobol.

kulan ay saddexdan xisbi  ay u qabteen hay’adda Nabadda iyo horumarinta iyo dalladda ururada aan dawliga ahayn ee SONSAF,   oo ka qabsoomay magaalada Hargeysa ayay kaga doodeen qaabka saamiga ee kuraasta  baarlamaanka ay uga dhex muuqanayaan beelaha Somaliland  oo lixdii bilood ee la soo dhaafayba ay doodi ka taagnayd, iyadoo beelaha qaar ka cabanayeen in xildhibaanada waqtigan  golaha u fadhiyaa ay tiro ahaan ka yar yihiin intay xaqa u lahaayeen.