Guddiga Wadaxaajoodka Badbaado Oo La Kulmay Madaxweyne Farmaajo
Sheeko:Baarlamaanka
Ilo ku dhow guddiga wadaxaajoodka Badbaado ayaa Goobjoog News u sheegay in guddiga ay maanta la kulmeen madaxweynaha jamhuuriyadda federaalka ah Maxamed Cabdullahi Farmaajo.
Madaxweyne Farmaajo ayaa guddigan ka socda Badbaado ka dhageystay sida ay tahay in loo xalliyo khilaafka u dhaxeeyay golaha shacabka iyo xukuumadda.
Guddigan oo 7 qof ayaa matalada guddoomiyaha golaha shacabka Maxamed Sheekh Cusmaan Jawaari iyo Xildhibaannada ku bahoobey “Badbaado”.
Guddiga Badbaado ee Madaxweyne Farmaajo la kulmay waa:
- Xildhibaan Axmed Macalin Fiqi
- Xildhibaan Maxamuud Cabdiraxmaan Beenebeene
- Xildhibaan Aamino Xasan
- Xildhibaan Xasan Yare
- Xildhibaan Cabdifitax Ismacil Dahir
- Xildhibaan Fowsiyo Maxamed Sheekh
- Xildhibaan Ceeymoow
Golaha shacabka ayaa u xiran khilaaf ka dhashay mooshin laga keenay guddoomiye Jawaari bartamihii bishii tagtay.
Goobjoog News