Arrimaha Amniga
Faah faahin dheeraad ah ayaa laga helayaa gaadiid ay lahaayeen dad shacab ah oo dagaalyahannada Al-shabaab ku gubeen deegaan ku dhow degmada Waajid ee gobolka Bakool. Wariye Xasan Nadaara oo…
Faah faahin dheeraad ah ayaa laga helayaa gaadiid ay lahaayeen dad shacab ah oo dagaalyahannada Al-shabaab ku gubeen deegaan ku dhow degmada Waajid ee gobolka Bakool.
Wariye Xasan Nadaara oo ku sugan degmada Waajid ayaa Goobjoog News u xaqiijiyey in weerarkan oo dhacay xalay saq dhexe uu ku dhintey qof shacab ah oo gaarigan la socday.
Goobta falkaan uu ka dhacay ayaa degmada Waajid u jira 19-km, waxayna gaadiidkan ka yimaadeen dhanka magaalada Baydhabo ee xarunta gobolka Baay.
Al-shabaab oo go’doomiyey degmada Waajid ayaa guba gaadiid walba oo degmadaasi ku wajahan oo ay qabtaan, iyadoo dhowaan Al-shabaab ay nawaaxiga degmada Waajid ku gubeen 243 gaari dameerro raashiin usoo waday degmadaasi.
Halkaan hoose ka dhageyso:
Goobjoog News
Goobjoog Newsletter
Warar iyo falanqayn, iimaylkaaga.
From the comments