Hirshabelle: Xildhibaan Ku Baaqay Deminta Colaadda Deegaanka Banyaaley, Hiiraan

Xildhibaan ka tirsan baarlamaanka maamulka Hirshabelle ayaa ugu baaqay guud ahaan shacabka Hirshabelle iney kaalin mug leh ka qaataan deminta colaadda u dhaxeysa beello wada deggan deegaanka Banyaaley ee gobolka Hiiraan.

Waxa uu sheegay xildhibaanka in aan indhaha laga daawan karin colaadahan soo noqnoqday, ayna wanaagsan tahay in cid walbo oo ay quseyso kaalinteeda qaadato.

Si gaar ah wuxuu xildhibaanka farta ugu fiiqay maamulka Hirshabelle, waxgaradka iyo ganacsatada gobolka Hiiraan, oo uu tilmaamay in kaalintooda muhiim tahay.