Waxaa isa soo taraya wararka la xiriira dagaal hadda ka socda deegaanka Miirdugul oo ilaa 30 KM dhanka Koonfur bari ka xiga caasimadda Galmudug ee Dhuusamareeb.
Dagaalka oo la isku adeegsanayo hub culus ayaa ka bilowday kadib markii ciidamada 21-aad ee xoogga dalka, Danab iyo qaar ka tirsan Galmudug ay ku bexeen hawlgallo ay fuliyaan deegaanka oo la sheegayo in maalmahan ay kusoo noqnoqayeen Al-shabaab, isla markaana ay dadkii isaga carareen.
In ka badan 11 tikniko ayey wateen ciidamada Galmudug, waxaase dhacday in Al-shabaab ayaa miino u dhigaan mid ka mid ah gawaaridaasi, taasi oo keentay khasaare dhimasho iyo dhaawac ah.
From the comments