Ra’iisalwasaare Rooble oo Guddi u Magacaabay Cabashada Banaadiriga

Ra’iisalwasaaraha dowladda federalka ah ee Soomaaliya Maxamed Xuseen Rooble ayaa waxaa uu magacaabay  tabasho ay soo gudbiyeen beelaha Banaadiri, kadib kulan maanta uu Muqdisho kulan kula yeeshay waxgaradka uu xafiirka ku qaabilay.

Qoraal kasoo baxay xafiiska ra’iisalwasaaraha kulanka kadib ayaa waxaa  lagu shaaciyey liiska guddiga uu magaacabay, kuwaas oo laga sugayo in ay kasoo talo bixiyaan cabashada ay u soo gudbiyeen Beelaha Banaadiriga ee golaha shacabka.

Ka dib markii uu kulan wadatashi ah la yeeshay Guddoomiyeyaasha Guddiyada Doorashooyinka Heer Federaal (FEIT) iyo Guddiga Doorashada Banaadiriga (SEIT), Ra’iisul Wasaaraha XFS Mudane Maxamed Xuseen Rooble waxa uu magacaabay Guddi ka kooban 7 xubnood oo ka socda FEIT, SEIT Banaadiriga iyo Xafiiska Ra’iisul Wasaaraha kuwaas oo kala ah:

FEIT
1- Muuse Geelle Yuusuf. Guddoomiyaha FEIT, Guddoomiye
2- Maxamed Aadan Cismaan
3- Cabdi Hiis Udan

SEIT Banaadiriga
4- Sacdiyo Aways Cali Boolaay. Guddoomiyaha SEIT Banaadiriga
5- Saciid Cabdulqaadir Axmed
6- Maxamed Cabdulxamiid Axmed

Xafiiska Ra’iisul Wasaaraha
7- Avv. Cumar Maxamed Cabdulle La taliyaha Sharciga ee Ra’iisul Wasaaraha

Guddigan ayuu Ra’iisul Wasaaruhu u xilsaaray in ay baaraan cabashada la xiriirta kuraasta Banaadiriga ee Golaha Shacabka iyo in ay sida ugu dhaqsiyaha badan ugu soo gudbiyaan talo iyo warbixin ku aaddan arrimaha cabashadu ka taagan tahay.

Goobjoog News