Baladweyne: Ciidamo Gadoodsan Oo Xirtay Lama Galaay, Akhriso Wararkii Ugu Dambeyay Ee Xaaladda Magaalada

Wararka laga helayo magaalada Baladweyne ee xarunta gobalka Hiiraan ayaa sheegaya in ciidamo ka gadoodsan ay maanta xirteen afaafka hore ee laga galo xarunta lama galaay oo ay ku taallo…

Published March 28, 2022 - Updated March 28, 2022

Akhris 1 daqiiqo ah

Wararka laga helayo magaalada Baladweyne ee xarunta gobalka Hiiraan ayaa sheegaya in ciidamo ka gadoodsan ay maanta xirteen afaafka hore ee laga galo xarunta lama galaay oo ay ku taallo gobta lagu qabto doorashada xildhibaanada golaha shacabka.

Ciidamada ayaa la sheegay in ay ka soo jeedaan beesha iska leh kursiga HOP#059, kaas oo deegaan doorashadiisu tahay Baladweyne.

Gadiidka dagaalka iyo ciidamo hubaysan ayaa lagu arkayaa xarunta lama galaay ee Baladweyne kuwaas oo ka soo horjeeda hanaanka loo maray soo xulista ergada kursiga HOP#059 iyo in kursigaas loo xiro shaqsi gaar ah.

Sawiro laga soo qaaday goobta ayaa muujinaya ciidamada oo qaar kood dhufays kaga jiro xarunta lama galaay ee magaalada Baladweyne.

Dhawaan ayey ahayd markii xarunta lama galaay ay ka dhaceen weeraro lagu dilay mas’uuliyiin ka tirsan dowladda oo ay kamid ahayd allaaha u naxariistee Xildhibaanad Aamina.

Baladweyne: Ciidamo Gadoodsan Oo Xirtay Lama Galaay, Akhriso Wararkii Ugu Dambeyay Ee Xaaladda Magaalada

Ka hel Goobjoog wixii cusub.

From the comments