Karaash iyo Wasiir Dhabacanad Oo Shir Ku Kala Tagay

Wararka aan ka heleyno shirka dowladaha hoose ee Puntland oo ka socda magaalada Garowe, ayaa sheegaya in shirka ay isku maandhaafeen qaar kamid ah mas’uuliyiinta shirka ka soo qayb gashay.

Kulanka o uu shir guddoominayay madaxweyne ku-xigeenka Puntland Axmed Cismaan Karaash, ayaa la sheegay in kulanka uu ka soo qayb galay wasiirka arrimaha gudaha Puntland Maxamed Dhabanacad, taas oo keentay in madaxweynaha uu ka caroodo kulanka.

Karaash ayaa ku amray in wasiirka uu isaga baxo shirka, taas oo keentay in wasiirka uu shirka ka tago, horayna ay u raaceen xubna ka tirsan mas’uuliyiinta gobalka Mudug.