Raila Odinga oo ku Gooddiyay Dibadbaxyo Hor leh oo Looga Soo Horjeeda Dowladda

Published June 15, 2023

Akhris 2 daqiiqo ah

Hoggaamiyaha mucaardka Kenya Raila Odinga ayaa sheegay in uu dadka Kenyaanka ah u horseedi doono in ay ka soo horjeestaan in la meel mariyo hindise sharciyeedka Maaliyadda 2023 kaas oo uu ku tilmaamay ciqaab iyo dib u dhac ku yimid dadaallada lagu ciribtirayo faqriga dalka kajira.

Mr. Odinga, oo booqday Suuqa Toi ee Kibra oo la burburiyay Axadii la soo dhaafay, ayaa dhaliilay arrimaha ugu muhiimsan ee Hindise sharciyeedka oo ay ka mid yihiin canshuurta boqolkiiba 16-ka ah ee batroolka, canshuurta guryaha, iyo magdhowga caymiska.

Hogaamiyaha Azimio ayaa ka codsaday dowladda in ay billowdo wada hadal heer qaran ah oo looga hadlayo canshuurta adag iyadoo ujeedadu tahay in kenyaanka lagu qanciyo in ay taageeraan ajendaha halkii ay ku qasbi lahaayeen shaqaalaha iyo loo shaqeeyaha in ay bixiyaan canshuurta boqolkiiba 1.5 ah.

“Sharciga Maaliyadda waxa uu muujinayaa ciqaabtii ugu dambeysay, Hadii uu halkan yimaado sharciga maaliyadda, dadka Kenyaanka ah ayaa noqon doona kuwa kaliya ee bixiya canshuurta, ma jirto cid dowladda ka mamnuucday in ay canshuur qaado, xarumo canshuur qaadis ayaa horay u jirtay, dowladdii Uhuru waxay dadka ka qaadi jirtay canshuur, wayna shaqaynaysay,” ayuu yiri.

Hadalkaan ayaa waxaa uu kusoo aadayaa xilli dhowaan ciidamada dowladda hoose ay burburiyeen Toi ee Kibra oo kamid ahaa suuqyada magaalada ka caanka ah, waxaana bannaanbaxaan looga soo horjeedaa hindisaha ay dowladdu damacsan tahay in canshuuro adag lagu saaro dadka Kenyanka ah, iyadoo Mucaaradku ay sheegayaan in arrintaan ay horseedi karto in dowladda ay shacabku ka horyimaadaan sida uu sheegay Raila Odinga.

Goobjoog News

Raila Odinga oo ku Gooddiyay Dibadbaxyo Hor leh oo Looga Soo Horjeeda Dowladda

Ka hel Goobjoog wixii cusub.

From the comments