64 jir Soomaali ah oo Canada Loogu Maxkamadeynayo Dilka 55jir Soomaali ah

Waxaa isasoo taraya wararka ku aadan nin Soomaali ah oo lagu dilay magaalada Toronto ee dalka Canada, dilka oo dhacay fiidnimadii Isniinta ayaa Booliisku sheegay in lagu dilay Maxamed Siciid Maxamed oo 55 jir ahaa sida lagu xusay bayaan kasoo baxay ciidan ammaanka.

Allah unaxariistee marxuumka la dilay ayaa ku sugnaa  guri ku yaalla xaafadda Etobicoke oo ah xaafad ay ku badan tahay Soomaalida ee Toronto, warka Booliiska ayaa lagu xusay in ay u tageen Maxamed oo dhaawac rasas ay ku taallo isaga oo goobtaasna ku geeriyooday.

Booliiska bayaanka kasoo baxay laguma shaacin in marxuumka uu deganaa xaafadda lagu dilay ama magaalada Toronto, laakiin waxaa la sheegay in dhowaan uu soo galay dalka isaga oo ka yimid meel ka baxsan Canada, dilka ayaa nioqday mid walaac ku abuuray Soomaalida.

Booliiska ayaa gacanta ku dhigay 64 sano jir Soomaali ah, kaas oo lagu eedeeyay dil heerkiisu yahay darajada koowaad, Cabdicasiis Cabdi ayaa ka soo muuqday maxkamad ku taalla magaalada Toronto Talaadadii, kiiska ayaa ah mid wali socda, waxaana jira baaritaanno kale.

Dalka Canada ayaa waxaa marar badan ka dhacay dil loo geystay muwaadiinta Soomaaliyeed, waxaana, iyadoo dilka qaarkiis ay ku lug yeeshaan Soomaali kale, kuwaas oo dhowr jeer kasoo muuqday maxkamadaha Canada, gaar ahaan caasimadda oo Soomaalidu u badan tahay.

Goobjoog News