Shir Looga Hadlayo Dib-u- Xoreynta Galmudug oo Ka Furmay Dhuusamareeb

Published August 3, 2023 - Updated September 22, 2023

Akhris 2 daqiiqo ah

Madaxweynaha dowlad goboleedka Galmudug Axmed Cabdi Kaariye Qoorqoor ayaa magaalada Dhuusamareeb ka furay shir looga hadlayay dib u xoreynta deegaannada ka maqan gacanta maamulka, waxaana kasoo ay qeyb galeen mas’uuliyiin dowladeed, waxgarad iyo bulshada qeybaheeda kale duwan.

Madaxweynaha ayaa sheegay in la joogo xilligii la xoreyn lahaa deegaannada Dowlad Goboleedka Galmudug oo ay ku sugan yihiin Al-shabaab, kuwaas oo dhaca bariga gobolka Galgaduud, dowladduna ay wado guluf ka dhan ah sidii lagu qaban lahaa degmada Ceelbuur iyo deegaannada hoos yimaada.

Shirkaan ayaa waxaa uu kusoo aadayaa xilli dhawaan duleedka magaalada Gurceel lagu uruuriyay ciidamo ka 300 oo kuwa deegaanka ah, kuwaas oo la sheegay in ay qeyb ka noqon doonaan dagaalka dowaladda ay ku qaadeyso deegaannada Galmudug ay kag sugan yihiin Al-shabaab ee Bariga.

Magaalada Dhuusamareeb ee caasimadda dowlad goboleedka Galmudug waxaa gaaray taliyaha hey’adda nabad sugidda iyo sirdoonka qaranka NISA, waxaana kulamo dhow ah uu la qaatay madaxweynaha Galmudug oo ku aadan dardar gelinta dagaalka Al-shabaab ee deegaannada maamulka.

Wufuud kale duwan oo hor dhac u ah wafdiga madaxweynaha Jamhuuriyadda federalka Soomalaiya Dr. Xasan Shiikh Maxamuud oo ku wajahan magaalada, halkaas oo la sheegayo inuu ka sameysan doono madaxtooyo ku meel gaar ah si uu u hoggaamiyo dagaalka wajiga labaad ee Al-shabaab.

Dowladda federalka Soomalaiya ayaa sidamadii ugu badnaa ku daabushay Bariga gobolka Galgaduud, halkaas oo ah goobta laga jiheynayo howlgalka lagu xoreynayo Ceelbuur iyo deegaannada hoostaga, gaar ahaan Wabxo Diri iyo Galgareeri oo ay ku sugan yihiin Al-shabaab muddo 15 sano ah.

Goobjoog News

Shir Looga Hadlayo Dib-u- Xoreynta Galmudug oo Ka Furmay Dhuusamareeb

Ka hel Goobjoog wixii cusub.

From the comments