Xilli Iran ay ka digtay tallaabo ay qaaddo Israel ayaa u muuqata inay Tal Aviv go’aansatay inay qaaddo tallaabo ay kaga aargudanayso ciidamada milateriga ah ee Iran, iyo qaar ka mida taageerayaasheeda gobolka bariga dhexe ku sugan, ka dib weerarkii ay Iran ku qaaday gudaha Israel laba cisho ka hor.
Milateriga Israa’iil oo u muuqda inay iska indho-tirayaan baaqyada uga imanaya hoggaamiyayaasha caalamka ayaa sheegay Isniintii, in Tehran ay la kulmi doonto jawaab la xidhiidha, weerarkii ay ku qaadeen Israel ee ay ku rideen 350 gantaal iyo diyaaradaha aan duuliyaha lahayn ee Darooniska ah.
Taliyaha ciidamada Israa’iil Lieutenant General Herzi Halevi oo shir jaraa’id qabtay ayaa sheegay sida ay uga go’an tahay in weerarkii dhacay ay jawaab ka bixiyaan, waxaana uu intaas ku daray in Israel aysan aqbali doonin tallaabada gardarrada ah ee lagu soo qaaday, kadib weerarkii Suuriya ay ka geysteen.
From the comments