Madaxweyne Xasan oo dhambaal u diray Madaxweynaha la doortay ee Mareykanka

Madaxweynaha Soomaaliya Xasan Sheekh Maxamuud ayaa dhambaal tahniyad ah u diray Donald Trump kadib markii uu noqday madaxweynaha Mareykanka ee 47aad ee mareykanka.

Published November 6, 2024 - Updated November 6, 2024

Akhris 1 daqiiqo ah

Madaxweynaha Soomaaliya Xasan Sheekh Maxamuud ayaa dhambaal tahniyad ah u diray Donald Trump kadib markii uu noqday madaxweynaha Mareykanka ee 47aad kadib doorashadii ka dhacday Mareykanka.

Madaxweyne Xasan Sheekh ayaa bogaadiyay doorashada Trump, isagoo ku tilmaamay inay tahay guul taariikhi ah.

Wuxuu sidoo kale sheegay inuu rajeynayo in xiriirka xooggan ee ka dhexeeya Soomaaliya iyo Mareykanka uu sii xoogeysan doono, iyadoo labada dal ay ka wada shaqeyn doonaan dhinacyada nabadda, amniga, iyo horumarinta barwaaqada guud ee danaha ay wadaagaan.

“Waxaan ku hambalyeynayaa Madaxweynaha la doortay ee Mareykanka Mudane Donald Trump oo ku guuleystay doorashada taariikhiga ah. Waxaan rajeynayaa inaan sii wadno iskaashiga iyo xiriirka xooggan ee ka dhexeeya labada dal, si aan u horumarino nabadda, amniga, iyo barwaaqada guud ee labada dal.”ayuu yiri Madaxweyne Xasan Sheekh.

Madaxweyne Xasan oo dhambaal u diray Madaxweynaha la doortay ee Mareykanka

Ka hel Goobjoog wixii cusub.

From the comments