Taliye Xigeenka Ciidanka Tanzania oo Muqdisho soo gaaray

Kaaliyaha Taliska Guud ee Ciidanka Xoogga Dalka Soomaaliyeed (CXDS), Janaraal Madey Nurey Shiekh Uforow, ayaa maanta garoonka diyaaradaha Aadan Cadde ee magaalada Muqdisho ku soo dhaweeyey Taliye Xigeenka Ciidanka Tanzania, Sareeye Guud Salim Hajji Othman.

Taliye Xigeenka Ciidanka Tanzania ayaa booqashadiisa ku saabsan xoojinta xiriirka iyo iskaashiga militari ee u dhexeeya labada dal, gaar ahaan dhinacyada tababarada, farsamada, iyo wada shaqeynta ciidamada.

Inta uu ku sugan yahay Muqdisho, wuxuu la kulmi doonaa hoggaanka sare ee Ciidanka Xoogga Dalka Soomaaliyeed iyo madaxda Qaranka Soomaaliyeed.

Kulamadan ayaa lagu wadaa inay diiradda saaraan sidii loo dardargelin lahaa iskaashiga labada dhinac si loo xoojiyo amniga gobolka iyo awoodda ciidammada ee la dagaallanka argagixisada.