Booliska Soomaaliyeed” Wax khatar Amni ah kama jiraan Muqdisho”

Taliska Ciidanka Boliiska Soomaaliyeed ayaa shaaciyay in magaalada Muqdisho aysan ka jirin wax khatar amni ah, kadib markii kooxda Shabaab isku dayeen inay cabsi abuuraan.

Kooxahan ayaa miinooyin been abuur ah ku dhajiyay xarun ganacsi oo ku taalla Degmada Daarusalaam.

Baaritaan lagu sameeyay miinooyinkaas ayaa lagu ogaaday inay ahaayeen kuwo dheemish ah oo aan wax khatar ah lahayn, iyadoo aysan jirin wax khasaare nafeed ama mid hantiyeed oo ka dhashay dhacdadaas sida lagu sheegay War-Saxaafadeed kasoo baxay taliska Ciidanka Booliska.

Ciidamada Boliiska ayaa si degdeg ah uga jawaabay arrinta, kana qaaday tallaabooyin lagu xaqiijinayo amniga iyo kalsoonida shacabka.

Taliska Boliiska ayaa shacabka ugu baaqay inay ciidamada amniga kala shaqeeyaan nabadda, ayna iska ilaaliyaan wararka been abuurka ah ee lagu doonayo in lagu qalqal geliyo bulshada Soomaaliyeed.