Xabbad-joojinta Gaza oo maanta lagu waddo in ay dhaqan gasho

Published January 19, 2025 - Updated January 19, 2025

Akhris 2 daqiiqo ah

Xabad-joojinti ay ku heshiiyeen Israa’iil iyo Xamaas ayaa lagu wadaa in saaka 8:30 subaxnimo xilliga Bariga Dhexe ay ka dhaqan gasho guud ahaan Marinka Gaza, sidaasi waxaa Sabtidi shalay magaalada Doha kaga dhawaaqay dhexdhexaadiyaasha wadahadallada.

Gudaha Isra’il, qoysaska ay ka maqan yihiin dadka lagu hayo Gaza ayaa sugayo liiska magac-yada ugu horreeysa ee la heystayaasha gacanta ugu jira Xamaas, halka Falastiiniyiinta ay isu diyaarinayaan soo dhaweynta boqollaal laga soo sii deyn doono xabsiyada Isra’il.

Laakin khudbad xalay laga sii daayay telafishannada Isra’il, ayuu ra’isulwasaare Benjamin Netanyahu ku sheegay, in Isra’il ay xabbad joojintani uga dhignaan doonto kumeel gaar.

Wuxuu kaloo sheegtay in uu xaq u leeyahay in uu dagaalka si wado haddii loo baahdo, isla markaana uu heysto taageerada madaxweynaha la doortay ee Mareykanka Donald Trump.

Xabad joojinta ayaa haddii ay dhaqan gasho soo afjari doonta, 15 bilood oo xiriir ah oo uu dagaal lagu hoobtay ka dhacayay Marinka Gaza.

Dagaalka oo u dhaxeeyay Isra’il iyo Xamaas ayaa khasaaraha ugu badani uu kasoo gaaray rayidka reer Gaza, halkaas oo la sheegay in lagu dilay in ka badan 47 kun oo Falastiiniyiin ah oo u badan dumar iyo carruur.

Xabbad-joojinta Gaza oo maanta lagu waddo in ay dhaqan gasho

Ka hel Goobjoog wixii cusub.

From the comments