Ciidanka xoogga oo sheegay inay hoggaamiyaal Alshabaab ku dileen howlgal ka dhacay deegaan degmada Xarardheere

Ciidanka Xooga dalka iyo kuwa deegaanka ayaa weerar qorshaysan oo ay ku qaadeen xubno ka tirsanaa kooxda oo ku sugnaa deegaanka Dabagalo ee hoostagga magaalada Xarardheere ku diley 6 dagaalame oo ka tirsanaa kooxdaas, sida ay baahisay warbaahinta ku hadasha afka ciidamadu.

Saraakiisha Howlgalkan hogaaminayay ayaa sheegay in xubnahan ay weerareeni ay ku sugnaayeen bar-control oo ay ku lahaayeen deegaanka Daba-galo ee gobalka mudug.

Sidoo kale xubnaha howlgalkan lagu dilay ayaa la sheegay inuu ku jiray madixii Sakawaadka kooxda Al-Shabaab ee deegaanka Daba-galo iyo tuulooyinka ka ag dhow.

Degmada Xarardheere ee Gobolka Mudug ayaa kamid ah meelaha ay ciidamada xoogga dalka iyo kuwa deegaanku ka wadaan howlgallada ka dhanka ah kooxda Al-Shabaab.