Qarax ka dhacay Qunsuliyadda Ruushka ee magaalada marvielle ee dalka Faransiiska

Qarax xooggan ayaa subaxnimadii Isniinta maanta ah laga maqlay agagaarka Qunsuliyadda Ruushka ee magaalada Marseille ee dalka Faransiiska, sida ay ku warrantay warbaahinta gudaha Faransiisku.

Gaadiidka dab-damis ayaa goobta gaaray, Qunsulka guud ee Ruushka u joogo Marseille, Stanislav Oranskiy ayaana  xaqiijiyay in qaruxu uu ka dhacay gudaha warshad ku taalla xarunta qunsulliyadda dhexdeeda.

Wasaaradda arrimaha dibadda Ruushka oo dhacdadan war kooban ka soo saartay ayaa ku tilmaantay fal argagixisanimo, balse ma sheegin cidda ka dambeysa.

Ma jiraan wax khasaare ah oo illaa hadda la xaqiijiyay, balse dhacdadani waxay ku soo aadeysaa iyadoo Midowga Yurub uu ku dhawaaqay cuna-qabateynno horleh oo ka dhanka ah Moscow.