Ciidanka xoogga dalka oo howlgal qorsheysan ka fuliyay gobolka Shabeellaha Dhexe

Ciidanka Xoogga Dalka Soomaaliyeed gaar ahaan kuwa sida gaarka ah u tababaran ayaa habeenkii xalay ahaa howlgal qorsheysan ka fuliyay deegaanka Bursha Sheekh ee gobolka Shabeellaha Dhexe, iyagoo beegsaday xarumihii kooxda Al-Shabaab ee deegaanka.

Howlgalka ayaa lagu burburiyay goobo ay kooxda Al-Shabaab ku lahayd deegaanka, halkaas oo ay ka wadeen falal argagixiso oo lagu dhibaateynayo shacabka Soomaaliyeed.

Waxaa howlgalka lagu dilay tiro ka mid ah dagaalyahanada Al-Shabaab ee ku sugnaa deegaanka, halka goobihii gabaadka u ahaa kooxdaas la burburiyay.

Deegaankaan ayaa maalmihii lasoo dhaafay waxaa xoogeystay weerarada ay kusoo qaadeysay kooxda Shabaab.