Wararkii ugu dambeeyay Diyaarad ku Dhacday Deegaanka Jasiira, Duleedka Muqdisho
Sheeko:War
Wararka laga helayo deegaanka Jasiira ee duleedka Muqdisho ayaa sheegaya in diyaarad xamuul oo ka timid gobolka Gedo ay ku dhacday halkaas.
Maamulka deegaanka Jasiira iyo goobjoogayaal ayaa xaqiijiyey shilka, balse wali lama oga khasaaraha rasmiga ah ee ka dhashay dhacdadan.
Warar horudhac ah ayaa tilmaamaya in diyaaradda, oo ka diiwaan-gashan dalka Kenya, ay saarnaayeen qiyaastii afar ruux, inkastoo aan weli la xaqiijin khasaaraha soo gaaray.
Dowladda Soomaaliya ayaa Ciidamo u dirtay goobta uu shilku ka dhacay.