Madaxweynaha Masar oo Khadka Taleefanka Kula Xiriiray Madaxweynaha Soomaaliya
Sheeko:War
Madaxweynaha Masar, Abdel Fattah El-Sisi, ayaa maanta khadka taleefanka kula xiriiray Madaxweynaha Soomaaliya, Dr. Xasan Sheekh Maxamuud, si uu u hubsado xaaladdiisa caafimaad, kadib qarax dhawaan lagu beegsaday kolonyadiisa.
Madaxweyne El-Sisi ayaa muujiyay sida ay Masar uga go’an tahay taageerada Soomaaliya, isagoo xusay in ay garab taagan yihiin shacabka iyo dowladda Soomaaliyeed.
Afhayeenka Madaxweynaha Masar, Danjire Maxamed El-Shenawy, ayaa sheegay in Masar ay sii wadi doonto taageerada ay siiso Soomaaliya, gaar ahaan dhinacyada amniga iyo la dagaallanka argagaxisada.