Nin hubeysan oo toogtay Taliyihii guud ee Guutada 14-ka October

Alle ha u naxariisto Gaashaanle Sare Nuur Farey, Taliyihii Guutada 14-ka October ee Ciidanka Xoogga Dalka Soomaaliyeed, ayaa maanta lagu dilay gobolka Shabeelaha Hoose. Wararka hordhaca ah ee la helay…

Published April 5, 2025

Akhris 1 daqiiqo ah

Alle ha u naxariisto Gaashaanle Sare Nuur Farey, Taliyihii Guutada 14-ka October ee Ciidanka Xoogga Dalka Soomaaliyeed, ayaa maanta lagu dilay gobolka Shabeelaha Hoose.

Wararka hordhaca ah ee la helay ayaa sheegaya in taliyaha uu toogtay qof hubeysan xilli uu ku sugnaa goob hawlgal amni ka socday lama xaqiijij karo ninka dilay taliyaha in uu ka tirsanaa Ciidanka Dowladda Federaalka Soomaaliya.

Markii falka dilka ah uu dhacay kadib, Ciidamada Amniga ayaa si degdeg ah uga falceliyay, waxaana isla goobta lagu dilay eedeysanihii toogtay Taliyaha.

Xaaladda ayaa si gaar ah loo baarayaa, iyadoo la filayo in dowladda Federaalka Soomaaliya ay si rasmi ah uga hadasho dhacdadan murugada leh.

Gaashaanle Sare Nuur Farey waxa uu ahaa halyay ka mid ah saraakiisha ugu firfircoon ee Ciidanka Xoogga Dalka, door muuqda ka soo qaatay dagaallada lagula jiro kooxaha nabad-diidka ah ee ka howlgala gudaha dalka.

Nin hubeysan oo toogtay Taliyihii guud ee Guutada 14-ka October

Ka hel Goobjoog wixii cusub.

From the comments