Puntland iyo Somaliland oo bilaabay Isweydaarsiga Maxaabiista ku kala xiran Xabsiyada Garowe iyo Hargeysa

Puntland ayaa goordhow ku dhawaaqday in ay magaalada Hargeysa u dirtay 15 maxbuus oo horey uga tirsanaa Somaliland oo ay muddo ku haysay xabsiyada maamulkaasi.

Talaabadan ayaa qayb ka ah isfaham cusub oo labada maamul dhex maray, kaas oo lagu doonayo in lagu yareeyo xiisadda siyaasadeed iyo colaaddaha.

Dhinaca kale, Somaliland ayaa soo dirtay 11 maxbuus oo ay ku qabatay deegaannada gobolka Sool, kuwaas oo loo heysto in ay ku lug lahaayeen dagaalladii u dhaxeeyay SCC Khaatumo iyo Somaliland.

Isweydaarsigan maxaabiista ah ayaa la rumeysan yahay inuu yahay natiijo ka dhalatay wadahadallo hoose oo u dhexeeyay madaxda labada dhinac, iyadoo ay suuragal tahay in tani noqoto tallaabo bilow u ah xal u helidda muranka siyaasadeed ee u dhexeeya Puntland iyo Somaliland.

Saraakiil ka tirsan Puntland ayaa sheegay in maxaabiista la dirayo si nabad ah loogu wareejin doono Somaliland iyadoo loo marayo waddooyin badbaado leh oo la isku afgartay.