Madaxweyne Xasan Sheekh deegaanka Haawaay ka dhagax dhigay Garoon iyo Deked casri ah

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta si rasmi ah u gaaray deegaanka Haawaay ee duleedka Muqdisho, Gobolka Shabeellaha Dhexe, halkaas oo uu ka dhagax-dhigay mashaariic horumarineed oo ballaaran.

Madaxweynaha waxaa si diirran ugu soo dhoweeyay Madaxweynaha Dowlad Goboleedka Hirshabeelle, Mudane Cali Cabdullaahi Xuseen (Cali Guudlaawe), iyo masuuliyiin heer Federaal iyo heer Dowlad Goboleed ah.

Mashaariicda laga hirgelinayo deegaanka Haawaay waxaa ugu muhiimsan:

Garoon diyaaradeed cusub, kaas oo noqon doona midka ugu weyn dalka marka la dhameeyo.

Dekad casri ah, oo sare u qaadi doonta ganacsiga iyo isku xirka gobolka Hirshabeelle la leeyahay gobollada kale iyo dibadda.

Madaxweyne Xasan Sheekh iyo Madaxweyne Guudlaawe ayaa si wadajir ah u dhagax-dhigay mashruuca garoonka diyaaradaha, taas oo la tilmaamay inay tahay tallaabo dhanka horumarka ah oo ay si weyn u sugayeen shacabka