Dowladda Federaalka iyo Madasha Samatabixinta oo ku heshiiyay in wada hadalkii dib u bilaabmo 20-ka Luulyo

Published July 3, 2025

Akhris 2 daqiiqo ah

Shirkii wada-hadalka labaad ee u dhexeeya Dowladda Federaalka Soomaaliya iyo Madasha Samatabixinta ayaa maanta si rasmi ah uga dhacay magaalada Muqdisho. Kulankan ayaa waxaa ka soo qeyb galay Madaxweynaha Jamhuuriyadda Federaalka Soomaaliya, xubno ka tirsan dowladda iyo guddiga u xilsaaran wada-hadallada, kuwaasoo la kulmay xubnaha Madasha Samatabixinta.

Shirkan ayaa lagu tilmaamay mid ku qabsoomay jawi degan iyo isfaham wanaagsan, iyadoo laga dooday arrimo muhiim u ah mustaqbalka siyaasadeed ee dalka.

Intii uu socday kulanka, waxaa la isku raacay in wada-hadallada dib loo sii bilaabo 20-ka Luulyo, 2025, si loo sii ambaqaado qodobadii horay looga wadahadlay. Tallaabadan ayaa muujineysa rajo cusub oo laga qabo in xal siyaasadeed laga gaaro khilaafaadka jira.

Maxaa laga filan karaa kulanka 20-ka Luulyo?

Qodobo muhiim ah oo la dhammeystiro, sida arrimaha doorashooyinka, dastuurka iyo nidaamka maamul ee dalka.

Is afgarad rasmi ah oo lagu xallin karo muranadii hore u jiray.

Heshiis la taaban karo oo dalka u horseedi kara xasillooni siyaasadeed iyo mid amni.

Dadka falanqeeya siyaasadda gudaha Soomaaliya ayaa aaminsan in haddii kulanka 20-ka Luulyo uu miro dhalo, uu noqon karo mid dhidiba u taaga wada shaqeyn rasmi ah oo u dhaxeysa Dowladda Federaalka iyo Madasha Samatabixinta.

Dowladda Federaalka iyo Madasha Samatabixinta oo ku heshiiyay in wada hadalkii dib u bilaabmo 20-ka Luulyo

Ka hel Goobjoog wixii cusub.

From the comments