Donald J. Trump oo shaaciyay xabbad-joojin ku meel gaar ah oo lala galay Iran

Published April 8, 2026 - Updated April 8, 2026

Akhris 2 daqiiqo ah

Madaxweynaha ee Mareykanka, Donald J. Trump, ayaa sheegay in uu oggolaaday in si ku-meel-gaar ah loo joojiyo duqeymaha iyo weerarrada ka dhanka ah Iran muddo laba toddobaad ah.

Trump ayaa xusay in go’aankan uu yimid kadib wada-hadallo uu la yeeshay Ra’iisul Wasaaraha Pakistan Shehbaz Sharif iyo Taliyaha Ciidanka Pakistan Asim Munir, kuwaas oo codsaday in la hakiyo tallaabooyinka militari si loo helo fursad xal nabadeed.

Sidoo kale, Trump wuxuu sheegay in Iran ay soo bandhigtay qorshe ka kooban 10 qodob, kaas oo uu ku tilmaamay mid saldhig u noqon kara wada-xaajood rasmi ah.
Wuxuu intaas ku daray in labada dhinac ay horey u gaareen horumar la taaban karo oo ku saabsan arrimo badan oo muran ka taagnaa.

Qodob muhiim ah oo heshiiska qeyb ka ah ayaa ah in Strait of Hormuz si buuxda oo ammaan ah loo furo, taasoo muhiim u ah ganacsiga caalamiga ah ee shidaalka.

Trump ayaa tilmaamay in Mareykanka uu horey u gaaray inta badan yoolalkii militari ee uu lahaa, islamarkaana xilligan diiradda la saarayo dhameystirka heshiis nabadeed oo waara oo laga gaaro Bariga Dhexe.

Ugu dambeyn, wuxuu muujiyay rajo ah in labada toddobaad ee xabbad-joojinta ay horseedi doonaan heshiis rasmi ah oo lagu soo afjaro xiisadda u dhaxeysa Mareykanka iyo Iran.

Donald J. Trump oo shaaciyay xabbad-joojin ku meel gaar ah oo lala galay Iran

Ka hel Goobjoog wixii cusub.

From the comments