Ururka OPEC+ oo qorshaynaya inuu kordhiyo wax soo saarka Shidaalka

Ururka OPEC ayaa lagu wadaa inuu maanta yeesho kulan muhiim ah oo lagu go’aaminayo kordhin cusub oo lagu sameeyo wax-soo-saarka shidaalka, inkastoo ay taagantahay caqabadda wax dhoofinta ee ka dhalatay dagaalka Iiraan.

Sida ay ilo xog-ogaal ah u sheegeen wakaaladda Reuters, toddobada dal ee ugu muhiimsan OPEC+ ayaa si mabda’ ah isku raacay in bisha Juun la kordhiyo qoondada wax-soo-saarka shidaalka qiyaastii 188,000 foosto maalintii, taas oo noqonaysa bishii saddexaad oo xiriir ah oo koror noocan ah la qorsheeyo.

Si kastaba, khubarada tamarta ayaa sheegaya in kordhintan ay inta badan ahaan doonto mid warqad ku kooban, maadaama dagaalka u dhexeeya Mareykanka iyo Iiraan iyo xirnaanshaha Hormuz ay si weyn u carqaladeeyeen maraakiibta shidaalka iyo dhoofinta dalalka Khaliijka.