Wararkii ugu dambeeyay ee Shirka Mucaaraadka iyo dowladda ee ka socda Muqdisho

Waxaa goordhow soo idlaaday shirkii u dhaxeeyay Madaxweynaha Jamhuuriyadda Federaalka Soomaaliya Hassan Sheikh Mohamud iyo siyaasiyiinta mucaaradka, kaas oo ka socday magaalada Muqdisho, iyadoo dhinacyadu ay isku fahmi waayeen qodobadii ugu muhiimsanaa ee laga doodayay.

Shirka oo ay qeyb ka ahayd Beesha Caalamka ayaa la sheegay in dood adag ay ka dhalatay nooca doorasho ee dalka uu geli doono iyo hannaanka siyaasadeed ee lagu wajahayo marxaladda soo socota.

Wararka laga helayo kulanka ayaa sheegaya in wakiillada Beesha Caalamka ay markii dambe ka baxeen shirka, kadib markii dooddu ay qaadatay waqti dheer islamarkaana aan wax heshiis ah laga gaarin arrimaha miiska saarnaa.