AUSSOM oo Taageero U Ballanqaadday Hoggaanka Cusub ee Koonfur Galbeed

Ku Simaha Madaxa Hawlgalka Taageerada iyo Xasilinta Midowga Afrika ee Soomaaliya (AUSSOM), Danjire Mouktar Osman Kaire, ayaa maanta booqasho sharafeed ugu tagay hoggaamiyaha cusub ee Dawlad Goboleedka Koonfur Galbeed, Sheekh Aadan Maxamed Nuur (Aadan Madoobe), oo ku sugan Muqdisho.

Danjire Kaire ayaa ugu hambalyeeyay Sheekh Aadan Madoobe doorashadiisa, isagoo u rajeeyay guul iyo hoggaan wax ku ool ah oo horseeda amniga, xasilloonida iyo horumarka deegaanada Koonfur Galbeed.

Kulanka labada dhinac ayaa diiradda lagu saaray xoojinta wada-shaqeynta dhinacyada amniga, xasilinta iyo taageerada horumarineed ee gobolka.