Sawirro Muujinaya Duuliyayaal Soomaaliyeed oo Tababar ka Helaya Bakistaan oo la Faafiyay

Published July 3, 2026 - Updated July 3, 2026

Akhris 2 daqiiqo ah

Muqdisho – Sawirro si weyn ugu faafaya baraha bulshada ayaa la sheegay inay muujinayaan saraakiil ka tirsan Ciidanka Cirka ee dalka Bakistaan (PAF) oo tababar siinaya duuliyayaal Soomaaliyeed gudaha magaalada Muqdisho.

Haddii sawirradaasi la xaqiijiyo, waxay noqon doonaan astaan kale oo muujinaysa sii ballaarashada iskaashiga dhinaca difaaca ee u dhexeeya Soomaaliya iyo Bakistaan.

Wararka soo baxaya ayaa sidoo kale kusoo beegmaya xilli ay hore u jireen warbixino sheegayay in Soomaaliya iyo Bakistaan ay ka wada hadlayaan suurtagalnimada helitaanka diyaaradaha dagaalka ee JF-17 Thunder, iyo tababarka duuliyeyaasha iyo farsamayaqaannada Ciidanka Cirka Soomaaliyeed.

Si kastaba ha ahaatee, Dawladda Soomaaliya iyo Dawladda Bakistaan weli kama aysan soosaarin war rasmi ah oo xaqiijinaya sawirrada hadda la faafiyay ama heshiis cusub oo arrintan la xiriira.

Bakistaan ayaa lagu tiriyaa dalalka leh barnaamijyada ugu horumarsan ee tababarka duuliyayaasha militari.

Haddii iskaashigan uu hirgalo, wuxuu kaalin muhiim ah ka qaadan karaa dibudhiska iyo casriyaynta awoodda Ciidanka Cirka Soomaaliyeed.

Goobjoog ayaa si dhow ula soconaya arrintan, waxayna idiin soo gudbin doontaa wixii war rasmi ah ee ka soo kordha.

Sawirro Muujinaya Duuliyayaal Soomaaliyeed oo Tababar ka Helaya Bakistaan oo la Faafiyay

Ka hel Goobjoog wixii cusub.

From the comments